Tuesday, May 22, 2018
ဘဝတန်ဆာ...စာအလင်္ကာ
#ဘဝ တန်ဆာ..စာအလင်္ကာ
စာအုပ်စာပေထဲရှိ ဗဟု သုတ များကို
တကယ်လက်တွေ့ လူလောကတွင်
အသုံးချတတ်မှသာလျှင်
တကယ့်ပညာ ဖြစ်တယ်။
(ဗိုလ်ချုပ်အောင်ဆန်း)
===============
စာကိုဖတ်မှ
ဖတ်သူရင်ထက်၊လျှပ်စုံပြက်
လက်တိုင်းမဲသစ် မြင့်ပေလိမ့်။
စာကိုဖတ်မှ
ဖတ်သူရင်ထက်၊သက်တံဆက်
လက်တိုင်းတွေးသစ် ဆင့်ပေချိမ့်။
(ဆရာ ဗန်းမော်ညိုနွဲ့)
====+=======
ထိတွေ့စေရာ...အလင်္ကာ
လက်ဖျားနှိုက်ပင်၊ နုသည့်သွင်တည့်
မြင်ရခိုက်ခါ၊မျက်လွှာသည်လည်း
မှုန်ဝါမထင်၊ဖြူသန့်စင်သည်
ကြာနွယ်ကြာပန်း၊ အသွင်တင့်ဆန်း
ပွင့်လန်းမွှေးမြသာလေသတည်း။
လေ့လာစရာ..စာပေသာ
တုပွားလိုက်နာ၊ မှတ်သညာ
ရှေ့သွားကြီးသူ၊ တွေ့ကြုံယူ
ဆင်ခြင်ဥာဏ်သတ်၊ ထပ်ဆင့်ခတ်
မငိုက်မတိမ်း၊ဘယ်မယိမ်းဘဲ
ထိမ်းသိမ်းလှပ မည်သာတည်း။
ဝိဇ္ဇာသိပ္ပံ၊ တန်ခိုးစံနှင့်
အလျှံကြီးထ၊ လူ့လောကမူ
မုဒိတာလွှဲ၊ ငါသာစွဲပြီး
တက်ခေတ်ကျမ်း၊ စက်အသစ်စမ်းတော့
ကိုင်ကြွထိုးဖောက်၊လောဘဆောက်လို့
တစ်ယောက်တက်၊တစ်ယောက်ဖျက်
လေးနက်ဆင်ခြင်၊မာန်စုံဝင်တော့
အာရုံမမွှေးမြနိုင်လေသတည်း။
ရွှေပန်းချီmdy
စာပေ ကဗျာ အလင်္ကာ အနုပညာသုခုမက ဘဝရဲ့ဖျော်ဖြေရေးအတွက်သာမဟုတ်ပါဘူးဆိုတာ ရွှေအမျိုးတွေ နဲ့ မောင်ငယ်ညီမငယိတိုတတွေ အသိဝင်ဖို့ ဗိုလ်ချုပ်အောင်ဆန်းရဲ့ မှတ်တမ်းအတိုလေးနဲ့ ဆရာကြီးဗန်းမော်ညိုနွဲ့ရဲ့ စာဖတ်ပါ ကဗျာအပိုင်းအစလေးကို ထည့်သွင်းဖော်ပြလိုက်ပါတယ်ရှင်။
Subscribe to:
Post Comments (Atom)
No comments:
Post a Comment