Thursday, February 14, 2019
ပုဝါတကွယ်စာလေး...
"ပုဝါတကွယ်စာလေး..."
မောင့်ကိုပဲ.....အမြဲလွမ်းနေသလားလို့...
မေးလာကြတယ်..
တကယ်တော့..ရင်ဘတ်ထဲမှာ
အစွမ်းကုန်ပွငိ့ပြီးတဲ့ ပန်းတစ်ပွင့်ရဲ့
အပွင့်ကြွေပြီး အညှာလေးညှိုးခြောက်
ပြန်ရှင်သန်မလာလောက်တော့ တဲ့ပန်းကို ကိုယ့်ရင်ဘတ်တံခါးကိုဖွင့်.....
ခန်းစီးစလေး အသာပင့်ပြီး....
အားအင်ကုန်သလောက် လွှင့်ပစ်နေခဲ့ပါတယ်.......
မနက်ဖြန်တိုင်းဟာ မခေါ်လဲရောက်လာတတ်သလို..အလွမ်းတွေကလဲ ပြန်လာလာတတ်တယ်..
ပြက္ခဒိန် တစ်နှစ်ကုန်တိုင်း နောက်တစ်နှစ်ရောက်လာသလို.....
အလွမ်းတွေကလဲ ပြန်လာလာနေတတ်တယ်....
ဒါကြောင့်လေ..
ကျမက......
မလွမ်းပါဘူး...လွမ်းတတ်နေလို့ပါလို့....
လိပ်ပြာသန့်စွာရိုးရိုးကလေးဝန်ခံလိုက်ပြီး.
"အရပ်ထဲက ကဲ့ရဲ့ထိုးမယ့်လက်ညှိုး"တွေအတွက်..
ခုနှစ်ရက်လောက်တော့..ပုဝါတကွယ်စာလေး ပုန်းနေချင်ပါသေးရဲ့...မောင်။
ရွှေပန်းချီmdy
Subscribe to:
Post Comments (Atom)
No comments:
Post a Comment